د آسټریا د وزیر له ستر ضد خبرو وروسته د مسلمانانو اندېښنې زیاتې شوي دي

ایکنا - د  آ سټریا د یو ځای کیدا او کورنیو چارو وزیرې کلوډیا پلاکولم د حجاب او سکارف د منع کولو په اړه خبرو په  مسلمانانو کې اندېښنې راپورته کړې.

نوموړې په یوه ټيلویژني پروګرام کې پر اسلام او حجاب ټکونه وکړل  او ادعا ئې وکړه چې د آسټریا ارزښتونه پر مسیحي او یهودي بنسټونو ولاړ دي او حجاب او سکارف د سرکوب نښه ده. هغې له  ۱۴ کلونو د کم عمره نجونو لپاره د حجاب او سکارف د منع کولو د قانون ملاتړ وکړ، سره له دې چې په ۲۰۲۰ کال کې د آسټریا قانوني محکمې ورته قانون د یوه دین په نښه کولو له امله لغوه کړی و.

دا خبرې په داسې حال کې مطرح شوې، چې په اروپا کې د مسلمانانو پر وړاندې د خولې توپیري  شخړې  زیاتې شوې او د امنیت او ادغام په پلمه د مذهبي نښو، په تیره بیا د ستر یا  حجاب، د محدودولو هڅې روانې دي.

نړیوالو څارونکو خبرداری ورکړی چې دا چلند به د مسلمانانو، په تېره د سترمنو  ښځو او نجونو نوره  څنډې ته کیدا او د دښمنۍ فضا رامینځته کړي. د اسلامي او بشري حقوقو ادارو  د آسټریا په سیاست کې د انحصار پالو  او افراط پالو خبرو د بېرته  ګرځېدو په اړه اندېښنه ښودلې او ویلي ئې دي چې د ستر او  حجاب مسئله د انتخاباتي موخو لپاره کارول کېږي، چې د مذهبي ازادیو او بنسټیزو حقونو د له‌مینځه تلو لامل کېږي.

د ۲۰۲۴ کال د اروپا د بشري حقونو د ادارې   راپور هم ښئي چې آسټریا (۷۱٪)، جرمني (۶۸٪) او فنلاند (۶۳٪) په اروپا کې له  اسلام‌ ضده  تر ټولو زیاتې پېښې لري. د اروپا  د اسلام ضده پروسې سره  د مبارزې  ادارې   د ۲۰۲۴ کال راپور له مخې، له  ۱۰۳۷ ثبت شویو پېښو څخه ، ۷۶٪   ئې  پر مسلمانو ښځو او ۴۰۲ ئې پر سترمنو او سکارف اچونکو ښځو شوي دي.

https://iqna.ir/fa/news/4280707